Škurnji don

Čovik jimo svoje ime
svi nosimo svuga sveca
i kroz život s puno friži
zolnji don je
zolnji don je, sve to bliži

Kluvko perje razmotono
Rokel kunca namotono
Dviže se parangol
sve je bližje kavicol

Kure švere po vazdon
bate ure po svu nuć
s kampanela breco zvun
ku je portil ku je un

Jelnu sarce se fermalo
a koko je batarjalo
je doživil velu starust
je proživil svoju mladust

Pocinulo trudnu tilo
sveti Mike da je bilo
Šoto ploce Božjo voja
A na plocu
ime, slika i dvo broja

Kal si rojen
I skurnji don
Sal vidin i sal znon
Kal bi tukol donit cvit
tu poštije cili svit

Komiža, 3. 03. 1999.
Kalafat iz Komiže